Vinnustofa með Susie Palmer-Trew
Hálfsdags vinnustofa daginn eftir ráðstefnuna, 09:00–12:30. Þú kemur með raunverulegt verkefni sem þú ert að leiða – og ferð heim með aðgerðaáætlun sem þú getur byrjað á strax.
The Accidental Change Manager
– breytingahugsun í raunverulegum verkefnum
Flest verkefni stranda einhvers staðar á leiðinni – og ástæðan liggur sjaldnast í verkefnastjórnuninni sjálfri, heldur í hegðun fólks. Í nánast öllum verkefnum er fólk beðið um að breyta því hvernig það vinnur, hugsar eða tekur ákvarðanir, án þess að fá nokkurn stuðning við sjálfa breytinguna. Verkefnastjórar og stjórnendur eru í vaxandi mæli látnir bera ábyrgð á þessum mannlega hluta – oftast án þjálfunar og án þess að breytingastjórnun sé formlega í þeirra höndum.
Í vinnustofunni skoða þátttakendur hvernig fólk bregst við breytingum, af hverju mótstaða er fyrirsjáanleg og hvernig umhverfið mótar hegðun. Unnið er með einföld líkön og raunveruleg dæmi – og allt er heimfært beint á verkefni sem hver þátttakandi kemur með.
Þitt eigið verkefni
Þú vinnur alla vinnustofuna með raunverulegt verkefni sem þú berð ábyrgð á núna – ekki tilbúið dæmi.
Verkfæri sem virka
Einföld líkön byggð á mannlegri hegðun, ekki kenningum einum saman.
Öruggari samtöl
Meira öryggi í að takast á við mannlegu hliðina á innleiðingu og upptöku.
Aðgerðir strax
Skýr skref sem þú getur hafist handa við án þess að bíða eftir formlegum breytingastuðningi.
📌 Taktu verkefni með þér. Þátttakendur eru hvattir til að koma með eitt raunverulegt verkefni, framtak eða breytingu í rekstri sem þeir bera ábyrgð á núna. Vinnustofan er hönnuð til að vera heimfærð beint á þá vinnu – og Susie útbýr vinnublað fyrir hvern þátttakanda til að byggja upp mynd af sinni breytingu.
Hver er Susie?
Susie er með doktorsgráðu í skipulagsbreytingum (organisational change) og MSc í verkefnastjórnun, auk Prosci-vottunar í breytingastjórnun og breytingaforystu, og hefur leitt umbreytingar í skipulagsheildum í meira en 15 ár. Hún stofnaði og rekur Everyday Change og The Growth Club og hefur meðal annars unnið með AstraZeneca, British Library, Project Management Institute, ASDA og háskólunum í Liverpool og Keele – í Bretlandi, Svíþjóð og Bandaríkjunum. Erindi hennar eru þekkt fyrir að vera í senn byggð á rannsóknum og full af orku: fólk fer heim með eitthvað sem það getur gert öðruvísi strax í næstu viku. Lokaerindi hennar á ráðstefnunni, The Accidental Change Manager , er kjörinn undirbúningur fyrir vinnustofuna. Lesa meira um Susie →
Svona lítur morguninn út
Hvert þema sameinar verkfæri og aðferðir annars vegar og verklega vinnu hins vegar – þar sem þú vinnur með þitt eigið verkefni og ferð út úr hverjum hluta með áþreifanlega afurð. Dagskrá er birt með fyrirvara um breytingar.
Húsið opnar – kaffi
Skráning og morgunkaffi.
Þema 1 · Hvað er raunverulega að breytast í þínu verkefni?
Sameiginlegur og hagnýtur skilningur á breytingu eins og fólk upplifir hana – ekki eins og henni er lýst í áætlunum og stjórnskipulagi. Breyting er hreyfing frá núverandi stöðu til framtíðarstöðu í gegnum athafnir fólks, og hún á sér stað hvort sem hún er formlega nefnd eða ekki.
Þú ferð með:
skýra, skriflega lýsingu á breytingunni frá sjónarhóli fólks – tilbúna til að nota í samtölum við teymi og hagsmunaaðila.
Þema 2 · Hvernig fólk bregst við – og af hverju það er fyrirsjáanlegt
Mannleg viðbrögð útskýrð með sálfræði frekar en dómum, og mótstaða endurrömmuð sem upplýsingar. Breytingar ógna gjarnan tilfinningu fyrir eigin færni, samsömun eða stjórn – og tilfinningaviðbrögð ferðast hraðar en rökrétt útskýring.
Þú ferð með:
einfalt „viðbragðskort“ sem tengir hegðun sem þú sérð við undirliggjandi orsakir, í stað þess að skrifa hana á viðhorf eða getu.
Kaffihlé
Þema 3 · Að hanna breytingu sem virkar fyrir fólk
Tími, athygli og orka eru takmarkaðar auðlindir. Breytingar krefjast endurtekningar og eftirfylgni, ekki einnar tilkynningar – og oft skilar það meiru að létta álagið en að leggja harðar að sér.
Þú ferð með:
endurskoðaða nálgun á einn mikilvægan þátt verkefnisins þíns – léttari, skýrari og sjálfbærari.
Þema 4 · Breytingaforysta innan þíns hlutverks og valdsviðs
Breytingaforysta er ábyrgð, ekki starfsheiti – og áhrif skipta oftar máli en formlegt vald. Þátttakendur skilgreina eitt sem þeir hætta að gera, eitt samtal sem þeir taka öðruvísi og eina breytingu á umhverfinu sem auðveldar nýja hegðun.
Þú ferð með:
stutta og raunhæfa aðgerðaáætlun sem hægt er að hefja strax í núverandi verkefni.
Samantekt og næstu skref
Farið yfir afurðirnar fjórar og hvernig þær tengjast saman í eina mynd af þinni breytingu.
Vinnustofu lýkur
⟦Léttur hádegisverður?⟧
Hvað tekurðu með þér?
Skýrari mynd
Þú hefur heimfært breytingahugsun beint á lifandi verkefni og sérð áskorunina skýrar en áður.
Hagnýt verkfæri
Verkfæri sem byggja á mannlegri hegðun – ekki kenningum einum saman.
Meira öryggi
Meira sjálfstraust í að takast á við mannlegar áskoranir í innleiðingu.
Skýrar aðgerðir
Aðgerðir sem þú getur hafist handa við án þess að bíða eftir formlegum breytingastuðningi.
