IPMA A vottun

IPMA A Vottaður Verkefnastjórnandi hefur starfað í mjög flóknu verkefnaumhverfi og borið höfuðábyrgð á forystu verkefna, verkefnasafna eða verkefnaskráa, sem hafa stefnumarkandi áhrif á skipulagsheild.

Hægt er að sækja um IPMA A vottun á þremur sviðum:

  • Project - einstaka verkefni
  • Programme - verkefnasafn
  • Portfolio - verkefnaskrá

Reynsla sem tekin er til skoðunar þarf að hafa átt sér stað innan síðustu 12 ára.


Kröfur

IPMA A Certified Project Director

Að lágmarki 5 ára reynsla sem verkefnastjóri í ábyrgðarhlutverki við forystu mjög flókinna verkefna, þar af minnst 3 ár á stefnumótandi stigi. 


IPMA A Certified Programme Director

Að lágmarki 5 ára reynsla sem verkefnasafnstjóri í ábyrgðarhlutverki við forystu mjög flókinna verkefnasafna.

EÐA

Að lágmarki 4 ára reynsla sem verkefnasafnstjóri í ábyrgðarhlutverki við forystu mjög flókinna verkefnasafna,
OG 
Að lágmarki 3 ára reynsla sem verkefnastjóri í ábyrgðarhlutverki við stjórnun mjög flókinna verkefna á stefnumótandi stigi.


IPMA A Certified Portfolio Director

Að lágmarki 5 ára reynsla sem verkefnaskráarstjóri í ábyrgðarhlutverki við forystu mjög flókinna verkefnaskráa.

EÐA

Að lágmarki 4 ára reynsla sem verkefnaskráastjóri í ábyrgðarhlutverki við forystu mjög flókinna verkefnaskráa.
OG 
Að lágmarki 3 ára reynsla sem verkefnastjóri í ábyrgðarhlutverki við stjórnun mjög flókinna verkefna á stefnumótandi stigi.


Hvað einkennir A verkefni? (mjög hátt flækjustig)

  • Mjög flókin verkefni eða verkefnasöfn með stefnumótandi þýðingu.
  • Fjölbreyttir og margir hagsmunaaðilar, oft með ólíka eða andstæða hagsmuni.
  • Mikil áhætta og óvissa (t.d. pólitísk, tæknileg, fjárhagsleg).
  • Mörg tengsl og samþætting við önnur verkefni og áætlanir.
  • Mikilvægar afleiðingar fyrir skipulagsheild eða samfélag.
  • Umsækjandi er í forystuhlutverki.


Nauðsynleg umsóknargögn

- umsókn (rafrænt form birtist von bráðar), annars vottun@vsf.is

- ferilskrá (frjálst form en þarf að innihalda a.m.k. 2 meðmælendur)

- Sjálfsmat út frá IPMA hæfniviðmiðum (þekking og reynsla)
- Verkefnayfirlit

- Útreikningur á flækjustigi verkefna


Eftir fyrstu yfirferð umsóknar verður að auki óskað eftir verkefnaskýrslu

Hvert er ferlið við A umsókn?

  • 1. Umsókn (Application)

    Umsækjandi skilar inn rafrænni umsókn með ferilskrá, verkefnalista með flækjustigsmati og sjálfsmati út frá IPMA hæfniviðmiðum.

    Skila þarf IPMA A umsóknargögnum á ensku. 

  • 2. Forskoðun (Pre-assessment)

    Matsaðilar VSF fara yfir hvort umsækjandi uppfylli grunnskilyrði, s.s. reynsluár og flækjustig verkefna. Ef forsendur eru til staðar er umsækjanda boðið að halda áfram. 

  • 3. Verkefnaskýrsla (Project Report)

    Umsækjandi skilar ítarlegri skýrslu um reynslu sína. Þar er lýst flækjustigi, hlutverki umsækjanda og hvernig hæfni skv. ICB var beitt við stjórnun verkefnis/verkefnistofns/verkefnaskrár.

  • 4. Viðtal (Interview)

    Umsækjandi tekur þátt í ítarlegu viðtali (yfirleitt 2–3 klst.) þar sem farið er yfir verkefnaskýrslurnar, reynslu og hæfni. Matsaðilar staðfesta samræmi milli gagna og frásagnar og að umsækjandi uppfylli allar kröfur um A vottun. 

    IPMA A viðtöl fara fram með erlendum matsaðilum og viðtölin fara fram á ensku. 

  • 5.Ákvörðun (Decision)

    Niðurstöður matsaðila eru lagðar fyrir VSF vottun (Certification Body Board) sem tekur endanlega ákvörðun um vottun. 

    Ef niðurstaðan er jákvæð fær umsækjandi útgefið IPMA A vottorð sem gildir í 5 ár.