Endurvottun
IPMA-skírteini gilda í fimm ár. Til að halda vottuninni sækir þú um endurvottun – án prófs og fyrir lægra gjald en upphafleg vottun.
Hvað þarf ég að uppfylla?
| A | B | C | D | |
|---|---|---|---|---|
| Starfsreynsla á þínu stigi, síðustu 5 ár | 30 mán. | 30 mán. | 30 mán. | – |
| Flækjustig verkefna | ✔ | ✔ | – | – |
| Fagþróun (CPD) | 35 klst./ár | 35 klst./ár | 35 klst./ár | 35 klst./ár |
| Meðmælendur | 1–2 | 1–2 | 1–2 | 1–2 |
Samkvæmt IPMA ICR 4.4, kafla 9.5. CPD = 175 klst. alls frá síðustu vottun.
Tvö skjöl – sömu fyrir öll stig
Ferill og fagþróun
Verkefnayfirlit síðustu 5 ára, meðmælendur og skráning á fagþróun (CPD) – allt í einu skjali. Kemur í stað ferilskrár.
Sækja skjalSvona gengur þetta fyrir sig
Fylla út
Sæktu skjölin tvö og fylltu þau út.
Senda umsókn
Fylltu út formið hér að neðan og hengdu skjölin við.
Mat og reikningur
Matsaðili fer yfir umsóknina. Að samþykki loknu færðu rafrænan reikning.
Nýtt skírteini
Sent í tölvupósti, yfirleitt innan 2 vikna. Rafræna merkið (badge) sækir þú á MyIPMA.
Ef vafi leikur á getur matsaðili haft samband við meðmælendur, beðið um frekari gögn eða boðað til stutts viðtals.
Sækja um endurvottun
Eitt form fyrir öll stig. Hafðu skjölin tvö tilbúin til að hengja við.
Endurvottun - umsókn
Algengar spurningar
Ég missti af frestinum – hvað nú?
Þú getur sótt um allt að 6 mánuðum eftir að skírteinið rann út. Með rökstuðningi má framlengja frestinn í allt að 12 mánuði, en þá þarf að óska eftir því áður en skírteinið rennur út. Eftir það þarf að fara í gegnum upphaflega vottun á ný.
Ég var í leyfi eða veikindum – hvað með fagþróunina?
Krafan um 35 klst. á ári lækkar hlutfallslega fyrir þann tíma sem þú varst frá, t.d. vegna fæðingarorlofs, veikinda eða starfa erlendis. Skýrðu það stuttlega í skjalinu „Ferill og fagþróun“. Einnig má færa allt að 20% af klukkustundum milli aðliggjandi ára.
Hvað telst sem fagþróun (CPD)?
Námskeið, ráðstefnur og fræðslufundir, lestur fagbóka og greina, leiðsögn eða mentor-vinna, innleiðing nýjunga í starfi og þátttaka í fagfélögum á borð við VSF. Fagþróun skal tengjast verkefnastjórnuarfaginu/hæfniviðmiðum IPMA. Aðeins viðburðir sem hafa þegar farið fram teljast með.
Get ég endurvottast á lægra stigi?
Já, ef þú uppfyllir kröfur þess stigs. Ekki er hægt að hækka sig um stig með endurvottun – til þess þarf upphaflega vottun.
Frá hvaða degi gildir nýja skírteinið?
Nýja skírteinið gildir í 5 ár frá lokum fyrra skírteinis, óháð því hvenær innan frestsins þú sækir um.
Hvað kostar endurvottun?
Sjá verðskrá vottunar. Reikningur er sendur þegar umsóknin hefur verið samþykkt.
Ertu enn með spurningu?
Við svörum fljótt – vottun@vsf.is
