vsf

Fyrsta IPMA A-vottun Íslands á sviði þjálfunar og kennslu í verkefnastjórnun

Mon, 25 May 2026 18:57:30 GMT

This is a subtitle for your new post

Fyrsta IPMA A-vottun Íslands á sviði þjálfunar og kennslu í verkefnastjórnun

Helgi Þór Ingason, prófessor við Háskólann í Reykjavík og formaður stjórnar MPM meistaranámsins í verkefnastjórnun, hefur hlotið IPMA Level A – Certified Executive Trainer (CET) viðurkenningu frá IPMA (International Project Management Association), móðurfélagi Verkefnastjórnunarfélags Íslands (VSF).

Um er að ræða hæstu alþjóðlegu vottun IPMA á sviði kennslu, þjálfunar og hæfniuppbyggingar í verkefnastjórnun og er Helgi fyrsti Íslendingurinn til að hljóta þessa viðurkenningu.

Áður hefur Aðalbjörn Þórólfsson, formaður VSF og ráðgjafi hjá Projectus, hlotið IPMA B – Certified Consultant, Coach and Trainer (CCT) vottun.

Vottunin staðfestir framúrskarandi hæfni í þróun námsleiða, stjórnendaþjálfun og alþjóðlegri hæfnibyggingu. Matsferlið er umfangsmikið og felur meðal annars í sér ítarlegt sjálfsmat, hæfnimat, reynsluskýrslur og viðtöl við alþjóðlega úttektarmenn.

Við hjá VSF fögnum þessum mikilvæga áfanga fyrir fagið hérlendis. Á sama tíma er unnið að því að bjóða upp á IPMA CCT/CET vottanir á Íslandi á næstu misserum fyrir kennara, leiðbeinendur, þjálfara og ráðgjafa á sviði verkefnastjórnunar og tengdra greina.

Stór áfangi fyrir IPMA vottanir á Íslandi 🏅

Wed, 20 May 2026 12:03:18 GMT

Aukið úrval í alþjóðlegum vottunum í verkefnastjórnun

VSF Vottun hefur hlotið endurnýjaða IPMA validation viðurkenningu til ársins 2028 fyrir verkefna-, verkefnaskrár- og verkefnastofnvottanir á öllum stigum A–D.

Það sem gleður okkur sérstaklega er að íslenska vottunarkerfið hefur nú stækkað verulega:
✅ IPMA Level A vottanir komnar formlega inn
✅ Fyrstu Programme Director og Portfolio Director vottanirnar að detta inn á Íslandi
✅ Aukið svigrúm fyrir PMO, Agile forystu, Sjálfbærni í verkefnastjórnun og fleiri sérhæfðar leiðir
✅ Alþjóðlega viðurkennt kerfi sem stenst nýjustu IPMA ICR 4.4 kröfur

Árið 2025 hóf VSF móttöku á fyrstu IPMA A umsóknunum á Íslandi og þegar hefur Jónas Ketilsson hlotið fyrstu virku IPMA Level A vottun landsins sem Certified Programme Director.
Þar að auki hafa Stuart Maxwell og Þröstur Freyr Gylfason hlotið vottunina IPMA B - Certified Senior Programme Manager.

Umsóknum um alþjóðlega vottun í verkefnastjórnun hefur fjölgað verulega og á síðasta ári var slegið nýtt Íslandsmet.
Þetta hefði ekki gerst án framúrskarandi hóp af fólki sem leggur sitt af mörkum: faglegir matsaðilar, öflug stjórn, sjálfboðaliðar í fjölbreyttum hlutverkum, alþjóðlegt samstarf við IPMA og allir þeir verkefnastjórar sem hafa treyst okkur fyrir sinni faglegu vegferð ❤️

Ný stjórn kjörin hjá VSF

Mon, 11 May 2026 19:34:47 GMT

VSF heldur áfram að vaxa með öflugu samfélagi fagfólks

Á aðalfundi VSF var kjörin ný stjórn – og það sem gleður okkur sérstaklega er að í fyrsta sinn í langan tíma voru frambjóðendur fleiri en þau sæti sem voru í boði. Það segir sína sögu um þann kraft, áhuga og metnað sem nú ríkir í kringum fagið okkar – verkefnastjórnun á Íslandi.

VSF er á hraðri uppleið og við finnum skýrt fyrir auknum áhuga á faglegri verkefnastjórnun. Samfélagið þarf á góðri verkefnastjórnun að halda meira en nokkru sinni fyrr, og það er afar hvetjandi að sjá sífellt fleiri vilja leggja sitt af mörkum til að efla bæði fagið og samfélagið okkar.

Við erum einstaklega þakklát fyrir allt það öfluga sjálfboðaliðastarf sem unnið er innan félagsins. Án þessa frábæra hóps væri þessi vegferð einfaldlega ekki möguleg.

Fram undan eru spennandi tímar, ný tækifæri og áframhaldandi uppbygging. ��

Við bjóðum nýja stjórnarmeðlimi hjartanlega velkomna og hlökkum til samstarfsins:

✨ Ný í stjórn eru:

Jónas Ketilson (Landsvirkjun) – varaformaður
Ylfa Rakel Ólafsdóttir (Vegagerðin) – gjaldkeri
Auður Íris Ólafsdóttir (Hagar) – varamaður
Salvör Gyða Lúðvíksdóttir (Reykjavíkurborg) – varamaður

✨ Áfram sitja í stjórn:

Aðalbjörn Þórólfsson (Projectus) – formaður
Bryndís Pjetursdóttir (Seðlabanki Íslands) – meðstjórnandi
Georg Kristinsson (Avians) – ritari og IPMA REG Director
Íris Dögg Jónsdóttir (Isavia) – meðstjórnandi og IPMA KIDS Director
Sandra Gestsdóttir (Landspítali) – meðstjórnandi
Viktor Steinarsson (Advania) – meðstjórnandi

Við þökkum jafnframt Hugrúnu Ösp Reynisdóttur og Sigfríði Guðjónsdóttur kærlega fyrir þeirra mikilvæga framlag til stjórnarstarfsins síðustu ár. Það gleður okkur að báðar munu halda áfram að starfa með VSF á öðrum vettvangi. ��

Að lokum viljum við þakka öllum sem buðu sig fram og öllum þeim sem leggja félaginu lið með einum eða öðrum hætti. Það er þessi samheldni og kraftur sem gerir okkur kleift að efla verkefnastjórnun á Íslandi – saman. ��

Jónas Ketilsson fær hæstu alþjóðlegu vottun í verkefnastjórnun, annar Íslendinga

Tue, 16 Dec 2025 16:05:00 GMT

Sterkt bakland stjórnenda hjá Landsvirkjun
Frá vinstri: Jóhanna Hlín Auðunsdóttir, forstöðumaður − loftslag og sjálfbærni, Hörður Arnarson, forstjóri, Alma Stefánsdóttir, sérfræðingur – þróun og auðlindir, Ásbjörg Kristinsdóttir, framkvæmdastjóri framkvæmda, Bjarni Pálsson, framkvæmdastjóri vinds og jarðvarma, Hjalti Páll Ingólfsson, forstöðumaður – þróun og auðlindir, Jónas Ketilsson, yfirverkefnisstjóri stækkunar Þeistareykja, Valur Knútsson, yfirverkefnisstjóri toppvélar, Agnes Hólm Gunnarsdóttir, framkvæmdastjóri VSF, Kristín Linda Árnadóttir, aðstoðarforstjóri, Jóna Bjarnadóttir, framkvæmdastjóri samfélags og umhverfis, Axel Valur Birgisson, sérfræðingur – nærsamfélag og náttúra, Elísabet Guðjónsdóttir, sérfræðingur – innkaup.

Alþjóðavottanir IPMA á Íslandi í sókn

Á myndinni má sjá Bjarna Pálsson, framkvæmdastjóra vinds og jarðvarma ásamt Jónasi Ketilssyni, með glænýja IPMA A skírteinið

Jónas Ketilsson, yfirverkefnastjóri hjá Landsvirkjun, hefur hlotið IPMA Level A – Programme Director vottun, hæstu alþjóðlegu viðurkenningu IPMA fyrir forystu í áætlanastjórnun mjög flókinna verkefnasafna. Hann er annar Íslendingurinn til að hljóta alþjóðlega A-vottun en sá fyrsti til að ljúka vottunarferli hér á landi með aðkomu erlendra matsaðila Alþjóða verkefnastjórnunarfélagsins IPMA (International Project Management Association).

Frá árinu 1995 hefur IPMA vottað hátt í hálfa milljón verkefnastjóra í yfir 70 löndum. Jónas Ketilsson bætist í fámennan hóp um 2400 leiðtoga í heiminum sem hafa fengið IPMA A-vottun eða undir 0,5% af vottuðum verkefnastjórum.

Orkugeiri og opinber stjórnsýsla

Jónas Ketilsson starfar sem yfirverkefnisstjóri stækkunar Þeistareykjastöðvar þar sem hann leiðir stefnumótun, stjórnun og samþættingu stækkunarinnar. Á síðustu þremur árum hefur hann gegnt lykilhlutverki í þróun nýrrar tækni, leitt umbreytingu fjölþættra leyfis- og umhverfisstjórnunarþátta, þróun og innleiðingu alþjóðlegra viðmiða auk samþættingar fjölmargra verkefna og hagsmunaaðila tengdri stækkuninni. Áður starfaði Jónas Ketilsson í um átta ár sem yfirverkefnisstjóri og næstráðandi á Orkustofnun.

Bjarni Pálsson , framkvæmdastjóri Vinds og jarðvarma hjá Landsvirkjun og forseti Alþjóða jarðvarmasambandsins:

„IPMA A-vottun er ein af æðstu viðurkenningum á sviði áætlanastjórnunar. Slík hæfni skiptir máli fyrir áframhaldandi þróun jarðhitageirans á heimsvísu, þar sem fagmennska og áreiðanleiki eru lykilforsendur. Starf Jónasar Ketilssonar undanfarna tvo áratugi hefur stutt við jákvæða framþróun jarðvarmans sem raungerðist í undirbúningi að stækkun Þeistareykja. Viðurkenningin er mikilvæg staðfesting á þeim gæðum og fagmennsku sem einkenna starfsemi Landsvirkjunar. “

Agnes Hólm Gunnarsdóttir , framkvæmdastjóri Verkefnastjórnunarfélags Íslands:

„Vottun Jónasar Ketilssonar er mikilvægt skref fyrir íslenskt verkefnastjórnunarsamfélag og staðfesting á hæfni sem stenst ströngustu alþjóðlegu kröfur. Umsögn IPMA matsaðila undirstrikar afburðaárangur Jónasar:

“The candidate has demonstrated prominent capability to operate in a complex, highly regulated, and multi-stakeholder environment to align programs with organizational strategy. His decisions reflect a strong understanding of governance, benefits realization, and sustainable value delivery which fully meets the expectations of the IPMA-A Program Director certification.

At a personal level, the candidate exhibited a high degree of self-reflection, integrity, and leadership maturity. He demonstrated emotional intelligence and ethical judgement while operating under uncertainty, conflict, and pressure. His leadership style fosters trust and engagement, confirming his role as a credible senior leader. These personal competencies strongly support his effectiveness as a Program Director.”

Við hjá VSF erum afar stolt og vonum innilega að þessi áfangi verði öðrum hvatning til að sækja sér IPMA Level A vottun í framhaldinu.

Alþjóðlegar IPMA-vottanir í verkefnastjórnun eru í sókn hér á landi og árið 2025 markar tímamót – ekki aðeins með fyrstu IPMA Level A vottuninni sem veitt er á Íslandi, heldur einnig með meti í fjölda IPMA Level B og C vottana.

Sem fyrsta IPMA Level A vottunin sem Verkefnastjórnunarfélag Íslands veitir, er þessi áfangi jafnframt sterk hvatning fyrir enn fleira fagfólk til að sækja fram og þróast áfram á þessu sviði.

Á myndinni að neðan má sjá Agnesi Hólm Gunnarsdóttur, ábyrgðaaðila IPMA vottana á Íslandi afhenda Jónasi IPMA A skírteinið:

VOGL námið hlýtur IPMA REG viðurkenningu

Mon, 13 Oct 2025 18:02:10 GMT

Mikilvæg tímamót í verkefnastjórnun á Íslandi

Verkefnastjórnunarfélag Íslands óskar forsvarsmönnum VOGL námsins– Verkefnastjórnun og leiðtogaþjálfun innilega til hamingju með að hafa á dögunum hlotið IPMA REG viðurkenningu frá International Project Management Association (IPMA).

Þetta er fyrsta REG viðurkenningin sem veitt er hér á landi, og við hjá VSF erum bæði afar ánægð og stolt af því að hafa séð um útgáfu hennar sem eini viðurkenndi vottunaraðili IPMA á Íslandi.

Viðurkenningin markar mikilvægan áfanga í faglegri þróun verkefnastjórnunarfræðslu á Íslandi og staðfestir að VOGL uppfyllir alþjóðleg gæðaviðmið í kennslu og þjálfun á þessu sviði.

Alþjóðlegur gæðastimpill

IPMA REG (Education & Training Registration System) er alþjóðlegt skráningarkerfi sem metur og viðurkennir fræðslu- og þjálfunarprógrömm sem uppfylla kröfur IPMA um faglega hæfni samkvæmt alþjóðaviðmiðum IPMA um hæfni verkefnastjóra (ICB - Individual Competence Baseline).

Viðurkenningin staðfestir að innihald, kennsluhættir og markmið VOGL-námsins séu í fullu samræmi við þessi alþjóðlegu viðmið og að þátttakendur njóti fræðslu sem byggir á bestu starfsháttum í verkefnastjórnun og leiðtogafærni.

Styrkir faglega þróun

Með þessari viðurkenningu fær VOGL alþjóðlega stöðu sem skráð þjálfunarprógramm innan IPMA-samfélagsins. Það eykur gildi námsins fyrir nemendur sem nú geta nýtt sér viðurkennda hæfniþróun (CPD) og beina tengingu við IPMA vottanir en VOGL nemendur hafa um árabil lokið náminu með IPMA D vottun– Certified Project Management Associate.

Samstarf og framþróun

VOGL-námið er þróað og kennt af Nordica ráðgjöf í samstarfi við Endurmenntun Háskóla Íslands , og hefur á undanförnum árum eflt fjölda stjórnenda og verkefnastjóra með áherslu á bæði faglega og persónulega leiðtogahæfni.

Við hjá VSF - Verkefnastjórnunarfélagi Íslands, fögnum þessum tímamótum sem mikilvægu framlagi til verkefnastjórnunar á Íslandi og hlökkum til áframhaldandi samstarfs við VOGL og aðra aðila í þágu fagþróunar og gæðastefnu verkefnastjórnunar.

Við óskum VOGL-teyminu innilega til hamingju með árangurinn og þökkum fyrir frábært samstarf í þágu faglegs vaxtar og framfara á Íslandi.

Nýjar reglur um IPMA alþjóðavottanir í verkefnastjórnun

Fri, 18 Jul 2025 11:08:27 GMT

Alþjóðleg viðmið fyrir IPMA vottun – ný útgáfa komin út

Nýr alþjóðlegur leiðarvísir um IPMA vottun í verkefnastjórnun (ICR 2025 – International Certification Regulations) er nú opin öllum. Skjalið útskýrir á skýran og hnitmiðaðan hátt hvernig vottunarferlið hjá IPMA gengur fyrir sig, hvaða skilyrði gilda á hverju stigi og hvernig matsferli og endurvottun fara fram í öllum aðildarlöndum IPMA - yfir 70 talsins!

Markmiðið er að stuðla að gagnsæi, alþjóðlegri viðurkenningu og samræmi í vottunarstarfi IPMA um heim allan.

�� Helstu atriði:

Lýsir uppbyggingu vottunarkerfisins á öllum stigum og sviðum
Skilgreinir hæfnisskilyrði og flækjustig
Útskýrir lykilferla vottunar og endurvottunar
Stuðlar að gagnsæi fyrir umsækjendur, matsaðila og aðra hagsmunaaðila
Opinberlega aðgengilegt til notkunar og miðlunar

�� Sækja skjalið hér → IPMA International Certification Regulations (Public) 2025

Ef þú hefur áhuga á að öðlast alþjóðlega vottun í verkefnastjórnun samkvæmt IPMA 4-L-C kerfinu, þá er þetta gagnlegt upphafsskjal til að kynna sér ferlið og skilyrðin.

Nánari upplýsingar á vefsíðu VSF, þar eru reglulegir kynningarfundir einnig auglýstir.

Faghópastarf á vegum VSF

Wed, 09 Apr 2025 09:44:08 GMT

�� Tveir nýir faghópar innan Verkefnastjórnunarfélags Íslands

Það er ótrúlega spennandi að segja frá stofnun tveggja nýrra faghópa sem ætla að efla faglega umræðu og þekkingarmiðlun innan verkefnastjórnunar á Íslandi:

�� Leiðtogahæfni verkefnastjóra

�� Verkefnastofur og verkefnaskrár

Sérstakar þakkir fá þeir fjölmörgu félagar VSF sem tóku þátt í stofnfundi faghópa og stjórn VSF fyrir óeigingjarnt og metnaðarfullt sjálfboðastarf í þágu félagsins ��

�� Í faghópnum um leiðtogahæfni er áherslan á persónulegan og faglegan vöxt verkefnastjóra – samskipti, orkustjórnun, samningatækni, hvernig við peppum teymi og hvernig við byggjum upp öfluga, örugga og áhrifaríka leiðtoga í verkefnastjórnun.

�� Í hópnum um verkefnastofur og verkefnaskrár (PMO) eru umræðurnar hagnýtar og djúpar – um ferla, governance, val á verkefnum, áhættumat, tól og tæki, og hvernig við byggjum upp vandað og faglegt utanumhald um fjárfestingasöfn og verkefnapípur.

✨ Stjórnendur hópanna eru komnir til starfa:

➡️ Þröstur Freyr Gylfason leiðir hópinn um leiðtogahæfni

➡️ Þröstur Elvar Óskarsson leiðir hópinn um verkefnastofur og verkefnaskrár

Þeir eru báðir með mikla reynslu, djúpa innsýn og frábæran drifkraft – og við erum svo heppin að fá þá til liðs við okkur með öðrum frábærum meðstjórnendum ��

IPMA Young Crew á Íslandi

Fri, 06 Dec 2024 15:02:23 GMT

Stofnfundur IPMA Young Crew á Íslandi

Félag ungra verkefnastjóra á Íslandi hefur loks litið dagsins ljós! Þann 4.des fór fram stofnfundur IPMA Young Crew á Íslandi, sem er félag ungra verkefnastjóra á aldrinum 18-35 ára og er frábært tækifæri fyrir unga verkefnastjóra til að taka þátt í öflugum vettvangi fyrir fagþróun, uppbyggingu tengslanets og þátttöku í alþjóðlegu samstarfi.

Bráðabirgðastjórn hefur verið mynduð undir styrkri stjórn Höllu Margrétar Hinriksdóttur, stjórnarformanns en hana skipa:

Þorgeir Örn Tryggvason
Brynhildur Sigurðardóttir
Rúnar Freyr Ágústsson
Ragnheiður Ásta Brynjólfsdóttir
Kristín Guðmundsdóttir

Það verður spennandi að fylgjast með þessum sívaxandi hóp unga verkefnastjóra á Íslandi.

Ef þú hefur áhuga á að vera með eða lumar á góðri hugmynd að viðburði fyrir unga verkefnastjóra skaltu endilega skrá þig á listann á IPMA Young Crew eða senda póst á youngcrew@vsf.is

Næstu IPMA vottanir í verkefnastjórnun

Wed, 06 Nov 2024 13:26:11 GMT

Næstu IPMA vottanir í verkefnastjórnun - feb 2025

Næstu prófadagsetningar fyrir IPMA vottanir eru eftirfarandi

19.feb kl. 14:00 D Vottunarpróf IPMA - Certified Project Management Associate (íslenska og enska)

20.feb kl. 9:00 C Vottunarpróf IPMA - Certified Project Manager

21. feb kl. 9:00 B Vottunarpróf IPMA - Certified Senior Project Manager.

Við erum að uppfæra vefsíðuna og rafvæða umsóknarferlið. Byrjað verður að taka við umsóknum 13.janúar 2025

Sendu okkur línu á vottun@vsf.is ef þú vilt vita meira!

Haustráðstefna VSF 2024

admin@stefna.is (Stefna Hugbúnaðarhús) — Wed, 21 Aug 2024 15:30:44 GMT

Aðalfyrirlesari ráðstefnunnar er Ricardo Viana Vargas, sérfræðingur í verkefnastjórnun og notkun gervigreindar í faginu.

Ricardo mun ásamt fleiri frábærum fyrirlesurum hjálpa okkur að svara lykilspurningu ráðstefnunnar: Verkefnastjóri framtíðarinnar - manneskja eða maskína?

Opnað verður fyrir skráningar í byrjun september en ekki seinna vænna að merkja 7.nóv frátekinn í dagatalinu :)

Ný framkvæmdarstýra hjá VSF

admin@stefna.is (Stefna Hugbúnaðarhús) — Fri, 26 Jul 2024 15:30:45 GMT

Ný framkvæmdastýra hjá VSF

Stjórn VSF hefur gengið frá ráðningu Agnesar Hólm Gunnarsdóttur sem nýrrar framkvæmdastýru félagsins. Agnes hefur töluverða reynslu af verkefnastjórnum, en hún hefur m.a. verið deildarstjóri verkefnastýringar hjá Advania, gæðastjóri og ábyrgðaraðili fyrir fagþróun í verkefnastjórnun hjá Verkís, Lean umbótasérfræðingur og verkefnastjóri hjá Alcoa, stundakennari og leiðbeinandi lokaverkefna í verkefnastjórnun hjá HR og fyrirlesari á ýmsum ráðstefnum.
Agnes tók við keflinu af Theodóri Ottóssyni þann 1. júní 2024, en Theodór lætur af störfum sökum aldurs eftir að hafa stýrt félaginu í rúm 12 ár.

Aðalbjörn Þórólfsson, formaður VSF, er mjög ánægður með aðkomu Agnesar. „Um leið og ég þakka Theodóri fyrir hans mikla starf er ég mjög spenntur fyrir því að fá Agnesi til að leiða félagið. Hún hefur mikla reynslu og brennur fyrir því að efla verkefnastjórnun á Íslandi. Einnig hefur hún sýnt það á sínum ferli að hún kemur hlutum í verk og er óhrædd við að gera nýja hluti.“

Agnes er full tilhlökkunar að takast á við þetta nýja verkefni: „Ég er gífurlega spennt fyrir að taka við þessu hlutverki. Eftirspurn eftir faglegri verkefnastjórnun á Íslandi er mikil og á örugglega eftir að aukast enn meira. Það er vegna vaxandi flókinna verkefna og þörf fyrir skilvirkari stjórnun á breytingum. Fleiri hafa einnig áttað sig á breiddinni í faginu og hvað verkefnastjórnun er mikilvægur árangursþáttur til að ná markmiðum skipulagsheildar. Tækifærin eru endalaus og ég hlakka til að leggja mitt af mörkum í að efla verkefnastjórnun á Íslandi.”

IPMA Vottanir verkefnastjóra haust 2024

admin@stefna.is (Stefna Hugbúnaðarhús) — Thu, 04 Jul 2024 15:30:45 GMT

Kynningarfundur verður haldinn á Teams þriðjudaginn 13.ágúst kl 12:10

Sendu okkur endilega póst á vottun@vsf.is ef þú vilt fá boð á fundinn eða hefur einhverjar spurningar um IPMA vottanir verkefnastjóra.

Tekið er við umsóknum frá 13. - 30.ágúst fyrir próf í september.

Næsta opna vottunarferli verður í janúar 2025.

40 ára afmæli VSF

admin@stefna.is (Stefna Hugbúnaðarhús) — Sun, 19 May 2024 14:10:37 GMT

Opinber stofndagur félagsins er 23.5.1984, en ástæðan fyrir því að viðburðarins var minnst þann 16. er sú að Reinhard Wagner fyrrum forseti IPMA og GPM (þýska verkefnastjórnunarfélagsins) var staddur á landinu til að taka þátt í Degi verkefnastjórnunar sem haldinn var í samvinnu Háskóla Íslands og VSF.

Dagskrá með fjölda fyrirlesara var fyrripart dags í HÍ og móttaka hjá VSF kl. 17-19.

Í hófinu hjá VSF ávarpaði formaður, Aðalbjörn Þórólfsson, gesti og Reinhard Wagner flutti stutt erindi. Gestir þáðu ljúfar veitingar og styrktu tengslanet sitt með góðu spjalli.

Kærar þakkir til gesta sem sýndu félaginu áhuga með þáttöku sinni.

Aðalfundur VSF 2024

admin@stefna.is (Stefna Hugbúnaðarhús) — Tue, 05 Mar 2024 14:15:23 GMT

Aðalfundur VSF var haldinn í gær, 4. mars.

Eftirfarandi voru kosnir inn í stjórn VSF til tveggja ára:

Aðalbjörn Þórólfsson (Projectus)
Hugrún Ösp Reynisdóttir (Veitur)
Sigfríður Guðjónsdóttir (Íslandsbanki)
Eva Björk Björnsdóttir (Reykjavíkurborg)
Viktor Steinarsson (Advania)

Fyrir í stjórn eru:

Bryndís Pjetusdóttir (Verkís)
Georg Kristinsson
Íris Dögg Jónsdóttir (Rannís)
Sigríður Þorsteinsdóttir (Advania)

Eftirfarandi hverfa úr stjórn og þökkum við þeim gott starf

Sigríður Þorsteinsdóttir
Linda Björk Hávarðardóttir

Ný stjórn mun koma saman á næstunni og skipta með sér verkum

Hér má finna skýrslu formanns um starfsárið 2023