Verkefnisskýrsla

Verkefnisskýrslan skal vera skráning/lýsing á verkefni sem hefur verið stýrt af umsækjanda. Umsækjendur um B-stig skulu skrifa skýrslu um 1 valið verkefni, umsækjendur um C-stig skulu skrifa eina skýrslu um 3 verkefni. Verkefnisskýrsluna skal tengja hæfnisþáttum Hugtakalykilsins.

Skýrslan á að staðfesta hæfni umsækjanda, þekkingu og reynslu af aðferðafræði verkefnastjórnunar, auk þess sem að hún á að greina frá því hvaða lærdóm má draga af viðkomandi verkefni. Hún á að lýsa beitingu á hæfni í verkefnastjórnun í raunverulegu verkefni, verkefnastofni eða verkefnisskrá.

Hæfileikinn til að skrifa, kynna og rökstyðja slíka skýrslu er í sjálfu sér einn mælikvarðanna við að meta hæfni verkefnastjóra.

Verkefnisskýrslan á að byggja á verkefni(um) sem umsækjandinn stýrði. Að lágmarki skal skýrslan spegla eftirfarandi:

Bakgrunn og forsendur (tegund og umfang verkefnis, viðskiptavini þess og aðra mikilvæga hagsmunaaðila, aðföng og flækjustig, etc.)
Markmið verkefnis og árangur sem náðist
Skipulag verkefnis
Hlutverk, verksvið og ábyrgð umsækjanda
Einkennandi þættir verkefnis
Niðurstöður/árangur verkefnis eða hvers verkáfanga

Umsækjendur eru hvattir til að fjalla ítarlega um eftirfarandi:

Krefjandi stjórnunarlegir þættir
Hvernig tekið var á málum og íhugun um árangur þess
Greining á verkefninu og hvaða lærdóm má draga af því.

Til viðbótar ofangreindu leggja matsmenn áherslu á hvernig greina má hæfni til verkefnastjórnunar út frá framkvæmd verkefnisins. Litið er á tengsl markmiða verkefnisins og samsetningu hópsins sem vann það, og eðli verkefnisins. Þáttur umsækjanda í verkefninu og sérkenni verkefnisins ættu að vera skýr. Í matinu er einnig lögð áhersla á viðleitni umsækjanda til að læra af og deila reynslu sinni.

Tenging við Hugtakalykil

Nauðsynlegt er að efnismál skýrslunnar sé tengt við hæfnisþætti Hugtakalykilsins. Eru umsækjendur hvattir til að spegla, í skýrslunni, eins marga hæfnisþætti og mögulegt er og gera grein fyrir þeim á þar til gerðu eyðublaði - í lýsingu á útliti og umfangi skýrslu, í undirkafla hér með, er greint frá lágmarskröfum til fjölda hæfnisþátta sem skulu vera til umfjöllunar á hvoru stigi fyrir sig.

Sjá jafnframt:

Þrjú eintök af útprentaðri skýrslu á að afhenda umsjónarmönnum vottunar hjá VSF. Eitt eintak af skýrslunni verður geymt í skjalasafni VSF.