VSF

Stjórn VSF sendir félagsmönnum bestu óskir um gleðileg jól og farsælt komandi ár.  Þökkum samstarfið á árinu sem er að líða og vonandi mun verkefnastjórnun halda áfram að blómstra á árinu 2010.

Fimmtudaginn 3.desember var félagsmönnum boðið í heimsókn í Össur hf. Þar fengum við kynningu frá starfsmönnum þróunardeildar um fyrirtækið og hvernig verkefnastjórnun er háttað innan þess. Meðal annars hvernig fyrirtækið velur hvaða verkefni eru valin úr aragrúa hugmynda og á þróunarferlinum sem þeir styðjast við allt frá hugmynd að fullbúinni vöru.  Heimsóknin var ánægjuleg og ágætlega sótt og er stefnan tekin á að fara í fleiri slíkar á nýju ári. Við þökkum Össuri kærlega fyrir boðið.

Félagsmönnum er boðið að heimsækja Össur hf. fimmtudaginn 3.desember kl.17:00. Össur er alþjóðlegt fyrirtæki sem starfar á heilbrigðissviði og hannar og framleiðir stoðtæki, spelkur og stuðningsvörur. Össur er leiðandi í hönnun stoðtækja og annar stærsti stoðtækjaframleiðandi í heiminum. Við fáum að fræðast um fyrirtækið og kynnt verður starfsemi verkefnastofu þróunardeildar. Skráning fer fram hér.

Haldinn var fundur þátttakendalanda í IPMA, Council of Delegates, í lok September síðastliðnum í Dublin.  Eftirfarandi eru helstu punktar frá fundinum.

Um 200 manns sóttu sameiginlegu ráðstefnu VSF og MPM félagsins þann 24.september síðastliðinn  (www.verkefnastjornun.is).  Fyrirlesarar voru hvort tveggja erlendir og innlendir sérfræðingar og voru umfjöllunarefni fjölbreytt og snertu á verkefnastjórnun innan atvinnulífsins sem og akademíu.  25 ára afmæliskokteill VSF sem haldinn var í kjölfar ráðstefnunnar var vel sóttur og formaður VSF lagði til í ávarpi sínu að ráðstefna þessi verði gerð að árlegum viðburði hér eftir og óskaði eftir viðbrögðum félagsmanna varðandi þá tillögu. 

Út er komið fréttabréf IPMA fyrir 3.ársfjórðung 2009.  Það er að finna hér.

Þann 14.september síðastliðinn, endurnýjaði formaður VSF Reynir Sigurðsson samning um framkvæmd vottunarmála á vegum félagsins. 

Ágætu félagsmenn þá er sumarið á enda og vetrarstarf félagsins að fara af stað.  Þetta starfsár er sérstakt að því leyti að í ár eru 25 frá því að félagið var stofnað og mun dagskrá vetrarins bera nokkurn keim af því.

Vinsamlegast svarið neðangreindri könnun, en hún er hluti af alþjóðlegri rannsókn og mikilvægt að svör berist frá Íslandi um verkefnastjórnun.

Upplýsingar um ráðstefnuna "Verkefnastjórnun á tímum breytinga" er að finna á nýjum ráðstefnuvef.

Ráðstefnan Verkefnastjórnun á tímum breytinga verður haldin á Hótel Loftleiðum 24. september n.k. Ráðstefnan hefst kl 12:30 og endar með kokteil í boði VSF. Ráðstefnan er samvinnuverkefni VSF og MPM félagsins.

Greinin "Contemporary Knowledge and Skill Requirements in Project Management" birtist í júníhefti hins virta tímarits Project management Journal sem gefið er út af Wiley í nafni Bandarísku verkefnastjórnunarsamtakanna PMI. Höfundar eru Dr. Helgi Þór Ingason dósent og Dr. Haukur Ingi Jónasson lektor.

Hafin er þróun staðals ISO 21500 fyrir verkefnastjórnun á vegum alþjóðlegu staðlasamtakanna ISO. Markmiðið er að staðallinn verði leiðbeinandi, og útskýri grundvallarreglur verkefnastjórnunar.

Þriðjudaginn 16. júní kom út uppfærð og breytt útgáfa af PRINCE2 aðferðafræðinni - PRINCE 2009. Nýrri útgáfu hefur verið skipt í tvær handbækur. "Directing Successful Projects with PRINCE2" og "Manageing Successful Projects with PRINCE2". Allar nánari upplýsingar er að finna á heimasíðu Office of Governance Commerce sem er eigandi aðferðafræðinnar.

Út er komið nýtt fréttabréf PM World. Rafrænt afrit af fréttabréfinu má nálgast hér.

Fréttabréfið spannar ýmsa þætti verkefnsstjórnunar og er í þessu tölublaði meðal annars fjallað um:

Ráðstefnan Vor í Íslenskri Verkefnastjórnun, sem er útskriftarráðstefna MPM nema við Háskóla Íslands, var haldin í þriðja sinn föstudaginn 22. maí síðastliðinn. Á ráðstefnunni voru haldnir 35 fyrirlestrar í þremur straumum þar sem útskriftarnemendur kynntu lokaverkefni sín frá náminu. Viðfangsefnin voru  mörg og ólík og sýna vel hversu útbreidd verkefnastjórnun er orðin hér á landi og hversu vel aðferðir hennar eiga við í ólíkum atvinnugreinum. Erindin fjölluðu ýmist um rannsóknir á aðferðum verkefnastjórnunar eða greindu frá verkefnum þar sem aðferðum verkefnastjórnunar var beitt.

Vor í íslenskri verkefnastjórnun er heiti opinnar ráðstefnu MPM námsins sem verður haldin í þriðja sinn föstudaginn 22. maí á Hótel Loftleiðum, þingsal 1-4, kl 13-17. Útskriftarnemendur kynna þar fjölbreytt lokaverkefni tengd verkefnastjórnun.

Tvisvar á ári hittast fulltrúa IPMA-landanna til þess að fara yfir stöðu mála og til að taka ákvarðanir um t.d. stefnu IPMA, nýja meðlimi, um staðla og verkefni. Síðasti fundur var í Nürnberg í lok mars.

Við hnutum um þennan hnyttna pistil á ferð okkar um veraldarvefinn. Þarna er á ferðinni skemmtileg samlíking þar sem óvissa í áætlanagerð er sett í samhengi við klassískt ævintýri.

IPMA hefur birt lista yfir lykilfyrirlesara á ráðstefnunni sem haldin verður í Helsinki, Finnlandi 15-17. júní næstkomandi. Framlag á ráðstefnunni kemur frá yfir 40 löndum. En lykilfyrirlesarar eru eftirfarandi:

Við rákumst á þessa skemmtilegu bloggsíðu um verkefnastjórnun hugbúnaðarverkefna á vafri um alheimsnetið í dag og langaði að deila henni með ykkur. Þarna er m.a. að finna video viðtöl við reynslubolta úr heimi verkefnastjórnunar, eins og t.d. Jerry Manas höfund Napoleon on Project Management, fría e-bók eftir höfund síðunnar og alls kyns skemmtilegar pælingar.

blog.softwareprojects.org/

Sigurður Fjalar Sigurðarson er meistaranemi í iðnaðarverkefni og er um þessar mundir að vinna að rannsóknarverkefni um að hversu miklu leyti verkefnastjórar meta siðferði í þeim verkefnum sem þeir koma að og stýra. Af þessu tilefni óskar hann eftir að IPMA vottaðir verkefnastjórar aðstoði hann við rannsóknina og svari stuttum spurningalista á netinu. Könnunin á ekki að taka lengur en 10-15 mínútur í vinnslu. Könnunina er hægt að nálgast hér.

Það styttist í heimsráðstefnu IPMA í Helsinki.  Hér er kynningarbréf um hana.   

Fimmtudaginn 26.febrúar var aðalfundur VSF haldinn.  Ný stjórn var kjörin á aðalfundi.  Úr stjórn gengu Hugrún Gunnarsdóttir, Karl Ásmundsson og Guðmundur Hannesson.  Nýjir stjórnarmeðlimir eru Viktor Steinarsson og Dirk Lubker.  Nýir varamenn voru kjörnir Haukur Óskarsson og Aðalheiður Sigurðardóttir, fráfarandi formaður.  Ný stjórn þakkar fráfarandi stjórnarmeðlimum vel unnin störf og býður nýja stjórnarmenn velkomna til starfa. 

Að venjulegum aðalfundarstörfum loknum flutti dr. Haukur Ingi Jónasson áhugavert erindi um verkefnið endurreisn Íslands.

Nýr vefur félagsins hefur litið dagsins ljós. Það er von okkar að með nýja vefnum verði efni aðgengilegra fyrir félagsmenn. Vefurinn er enn að nokkru leyti í vinnslu, þá sérstaklega sá hluti sem snýr að vottuninni. Allar ábendingar og góðar hugmyndir eru vel þegnar á netfangið vsf@vsf.is.

Bandaríska verkefnastjórnunarsambandið PMI gaf nýverið út fjórðu útgáfu af staðlinum PMBOK. Allar upplýsingar um nýju útgáfuna má nálgast á heimasíðu sambandsins www.pmi.org.